شهر ونص فدار القحاب : الجزء 20

كلثوم وخا مكلخة فبعض الحوايج ولكن فالقوالب وتيحرمايتين …… مغايديرهاش بيها شي واحد دخلات قلبات الدار قنت بقنت ……. نعيمة دخلات طاحت دودة بكترت شراب …. سكرات بالمزيان أنا دخلت لبيت أخر سديتو عليا و بقيت كانسرفق فراسي …… علاش عيط على كلثوم فالمحطة … علاش عييط،عليها …علاش رجعت لعالم ديالهوم …. تفووووووووووو دار الحاجة ماسخاتش بيا ……… بزز باش داني نعاس …… صبحنا مكوزين تال طناش ضرباتني الفيقة ضرب قلبي واحد ضربة مقودة كانصحاب الحاجة فالدار ونعست تال ديك لوقيتة ……. ساعة فقت لقيت الدار كاتصفر ….. خرجت من البيت لقيت شي وحدة فيهوم كاتقيا بليل جلخات الدنيا …… تفووووووو على صباح ……… غسلت وجهي وخليتهوم ناعسين ……… ماعندي شاهية لمكلة باغي غا نتكونصوطرا ……طلعت للسطاح كلست كانتشمس ….. وهي طلع نعيمة ……. ياع هدي لاش طالعة تاني هد السطاح فين بدات قصتي مع كلثوم …… واش هو فين غاتبدا تاني قصتي مع هد البرهوشة ؟؟ قالت ليا موحماد صباح الخير نتا هنا ؟؟ ماقلتش ليها لا صباح لا مساء الخير مافيا لي يهضر معاها قصاص القحاب طلعو ليا فكري …….. غا أنا لراسي عندي قصة …… قلت ليها أه أنا هنا ……… قالت ليا فطرتي ….. قلت ليها أه فطرت بالتقية ديال شي،وحدة فيكوم …….قالت أه سمح ليا أنا هديك سكرت لبارح على جوع تكرفصت بليل مانعستش تال خمسة دصباح …….. ونا مالي كاتعاودي ليا ……. واش سيقتي داك القلاوي خسارة ماتلاقيتيش مع الحاجة ……. أه أه سيقتو ….. الحاجة راه كانعرفها قبل ماتعرفها …….. القحاب ديال سلا كاع كايعرفو الحاجة قبل مني ……. البراكة فراسك بعدا أ موحماد من جيهت مك عاودات ليا كلثوم البارح فالبار بقيتي فيا والله ولكن صبر مهم بعدا نتا راك راجل غاتزطط راسك ……. مامشا معاك باس و شكرا حيت بقيت فيك ……. موحماد قالت ليا كلثوم بلي ماعندك حد مقطوع من شجرة واش بصاح ؟؟؟ هالي مابغيناش ها حنا بدينا ………. لا لا عندي خوالي فمركش خوت الواليدة من باها …… وعلاش مامشيتيش عندهوم إقدرو يعاونوك هنا فسلا مصلاحش ليك خاصك تكون ديب و ولد القحبة مقطر باش تعيش فهد الحالة لي نتا فيها ……. خوالي فمركش ما عمرني شفتهوم وغاكانسمع بيهوم …….. و تا ملي مات ختهوم تا واحد ماقدر فيهوم إجي وهما عروبية ونا شلح باش غايعاونوني ……. كيفاش ياك ماماك نتا شلحة وكيفاش خوالك عرب …… لا لا دابا واحد مسخوط،الواليدين ديال جدي عندو حانوت فمركش وكايجي إخدم تما العام كامل تا العيد،عاد كايمشي البلاد …….. خلا جدة فالبلاد وتزوج بواحد لعروبية وولد معها طاشمة هدا مكان ……. فهمتي دابا …… أه فهمتك تا أنا راه شلحة …… وتا أش كاتقول هد لخرية هادي قحبة شلحة …… أنا شلحة من نواحي ديال خنيفرة ……. فين كاين رويشة تعرفو ؟؟ لا لا شكون رويشة ……. والله خمسة وتسعين مزال ماعرفتش رويشة الله إرحمو …. موتك حسن من حياتك أموحماد ملي ماعارفش رويشة ……. خلينا دابا حنا من رويشة ولا الموت ولا الحياة …….. علاش خرجتي على راسك ونتي باقا صغيرة ……. مابانتش ليك تا شي،طريق ماتشدي من غير هادي …… بانو ليك هادو ليزفيها طفروه ….. ماعنديش إختيار أموحماد باش نشد الطريق لي بغيت كيما تانتا ماعندكش إختيار باش تسكن فدار القوادة إلى قلتي لا غا تنعس فالزنقة ……. أه بصاح ……… قالت ليا كلثوم بلي نتا مكاتحملش القحاب وخا عايش معاهوم ودايرين فيك خير …… أنا ماشي القحاب لي مكانحملش غا طريقهوم و العالم ديالهوم وصافي أما القحاب مابيني و بينهوم غا الخير والإحسان ……..نتي دابا كاتقولي فيها قحبة وكاتفتخري بيها …… أه بسيف نفتخر بيها حيت عايشة بيها تا يحن عليا الله بحال …. كزار ونجار وحداد و خضار …… كل وحرفتو و هادي أنا حرفتي ……. شكون علمك هد الحرفة عند من خديتيها من جدودك …..لا حاشة جدودي كلهوم كانو شلوح أصليين و تا مي كانت شريفة تا مشات عند لي خالقها معمر شي،حد نعتها بصبعو …… أه تا نتي يتيمة ……. أه تا أنا يتيمة ولكن غا من مي …. با باقي حي يرزاق وكانخدمو أنا وياه فبلاصة وحدة ……. كيفاش كاتخدمي نتي وياه فبلاصة وحدة ……. علاه عندك شي خدمة خرى من غير التقحبين …. لا لا بغيت زعما نقوليك تا هو كايخدم بليل و كايبقى دايع ……. أش كايدير عندو طاكسي ….. لا لا عندو غا قفة كايدير فيها كاوكاو و زريعة والحمص و كايضور على البيران بليل …….. ودابا نتي باك عارفك كاديري هدشي ودايرة هد الحالة فراسك …… أه عارفني و كايلقاني كاع فالبار تما عند الحاج مهم هو غامايعرفونيش الناس،واش بنتو ……. و أصلا غا لبار لي لاقاني معاه علاش غاينكر ليه خيرو و يمنعني منو …….. خربقتني العروقة ديال دماغي خبلتيهوم …… هو باك ياك ؟؟ وغا لبار لي لاقاكوم ؟؟ واش بقا سكرانة ؟؟ لا لا ساحيا أموحماد وعارفة أش كانقول ليك …… كاتسمع بمسخوطات الواليدين ……. أه وهما كثار بزاااااف …… أنا وحدة منهوم …. وعلاش ؟؟ مخارجتش من طبون مي تا خرجت روحها …… نهار لي تزاديت فيه نهار ماتت مي …… وعندي خويا كبر مني دابا غاتكون عندو ديك ستة وعشرين عام ……… ملي ماتت الواليدة ديالي يالله عندي ربع شهور تزوج با بهد لمرا لي عندو معاها دابا خمسة د لولاد …….. وخا ديك لمر كبراتني و رباتني و لكن كاتبقى هي ماشي مي ونا ماشي،بنتها الحنان لي كاتعطيه لولادو ماعنديش فيه الحق أنا والعداب لي دوزاتو عليا مغانسامحهاش تال قدام سيدي،ربي ….. الطفولة ديالي كلها دوزتها فتمارة ديال الدار و العصى والكوى بالعافية من الفوق مزال ……. وباباك مكايقول ليها واااالو كاتعدا عليك و كايبقى يشوف فيها …… لا لا مكايقول واااالو هو أصلا ماحاملنيش كايقوليا نتي سبب فموت مك وكن خرجتي غادري نقولو مكاين باس …….. صبرت أموحماد تادرت خمسطاش،ر عام وهربت عند واحد عمتي هنا فالرباط دييك عمتي حرشها عليا با تا هي وجرات عليا و من ديك الساعة …….. و نا من دار لدار و من بار لبار …… دابا راه عندي فيها خمس سنين فالحرفة ديال التقحبين ولفت ……… و خوك الكبير لي من الواليدة ديالك ……. خويا لكبير تا هو غادار عشر سنين علق خوا الدار قاليا با داك نهار أخير ماسمع عليه بلي حرك ……. ولكن واش حرك ولا باقي مجلوق فهد البلاد شي،خبار صحيحة مكايناش……… كلثوم طلعات عندنا قالت ليا موحماد مالك أصاحبي بحال بهيمة فقتي قبل منا عمر غا براد د أتاي وسير جيب باش نفطرو ………… تفوووووووو هد لبهيمة ديال كلثوم تقلب دنيا سفلاها على علاها و هي الشاهية ماتمشيش ليها ……… كلثوم فين غانخرج واشتي مريضة أنتي عارفاني هد درب مكانحملوش و داك ولد لقحبة داك لكربوز ديال الحسين ماعنديش معاه …….. وتا سير تقود لي عطاك مو يزيد ختو نوض جيب لينا باش نفطرو نوض ……. ماتقولش ليا داكشي لي عطيتك ملي غاتمشي البلاد طبيتي منو ……. لا لا باقي فيه ماخصرتش تا نص ديالو …….. إرضي عليك عارفاك كربوز ريال مايزهقش ……… ونتي يالقلاوي مالك فرعتي لينا كرنا البارح بليل تا صبح الحال …… والله أختي كلثوم تالكرش كرفصاتني ……. داكشي كاتجيبو سكرة د جهالة الناس،كايسكرو بالعقل نتي كاتسكري بترمتك ……… كلثوم خلينا من هد الهضرة هادي ماشي،وقيت الفطور خاصنا نخرجو نقلبو على شي لوبيا فين طايبة ………. راه العصر هدا لي قرب …….. ولكن أنعيمة إلى خرجنا راه مخاصناش نرجعو للدار خاصنا نخرجو و نبقاو هد الدرب نتي راكي عارفاه كيداير ….. تا نتي غا نتغداو و غانمشي نتجلوقو فشي قنت تايحل البار ……. ونمشيو ليه ديريكت الضحية لولا ديالنا ههههههههههههه ……. لبسات كلثوم ولبسات نعيمة ولبست تا أنا حوايجي وتمينا خارجين ……… تغدينا ومشينا للرباط،ديريكت نزلنا لأبو راقراق بقينا مجلوقين فيها تا ضلام الحال و مشينا لبار …….. كلثوم قالت للحاج ها هو الدري تفاهمو بيناتكوم أنا راه داكشي كل لي قلتي ليا البارح راه ماقلت ليه وااااااالو ……… قلت خليه تا يجي عندك ……. و حيت صراحة أصلا داكشي مافيه مايتقال …… الحاج كايضحك أودي أكلثوم عارفك عفريتة …….. قال ليا دخل عندي لداخل أولدي دخل …….. دخلت عندو و الحاجة الواحيدة لي كنت كانقول هي لي غايهضر معايا فيها………. ساعة تجري الرياح بلا ماتشتاهي الزاب ديال السفون …… قاليا لاباس أولدي ….. قلت ليه نكولو لاباس الحاج …… مهم راه عاودات ليا عليك كلثوم البارح و كلثوم راها كليانة قديمة ديالنا الله إعمرها دار …….. و بالي دخل المعقول كلثوم راني عارفها يالقلاوي ……… غا هو لي فالأمر نتا عجبتني قنضرة لولا فاش شفتك وبغيتك تخدم معايا نتا تبارك الله باقي،صغير فسيسر وزويون …… شوف تبارك الله على شعيير لي عطاك الله لمخييرة فهد لقحاب لي قالسين هنا ماعندهاش بحالو وخا حييد إديك الحاج ودوي معايا ولد القحبة كايعبر فيا …….. هههههه وماتكونش معقد بحال هكدا نتا باقي صغير وباقا الحياة والطريق طويلة ……. ااااه الله إرحم واليدين عارف هدشي أشمن خدمة بغيتيني ندير معاك ……. بلاتي بلاتي هكدا بعدا هد البراكةةديرها فجيبك لا لا الله إجازيك بخير هد الساعة مخاصني واااااالو …… و و الله تاتشد ……. و والله مانشد …….. و العجب نثماعمرني شت شي،واحد كايرد الفلوس …….. لا لا الحاج غا هو حنا شلوح الفلوس لمكانعرقوش عليهوم مايجيونا تقال فجيب كايتقلونا ……. أشمن خدمة بغتني ندير الحاح ؟؟؟ و وسع معايا خاطرك أولدي ……. وسمعني مزيان وهدشي يبقى بيناتنا ………. الله أودي الحاح راه وخا باقين صغار و لكن زمان راه شرفنا ….. حنا راه رجال دابا أولدي كيشتي عندي هنا البار كايجيو كليان كل ودقو ياك ….. كاين لي كايبغي دريات كاين لي كايبغي ميمات كبار كاين لي كايبغي سنان لحليب بحال نعيمة و لكن هادوك لي كايبغيو الدراري قدك هكدا كثر من هادو كاملين ……عندي كليان بزاااااااف منهوم لكور منهوم المغاربة منهموم الخليجيين كايبغيو الدراري و راه كانو عندي واحد جوج دراري من سراغنة خدامين معايا وايلي دابا فين كايلعبو …… و إلى قابل تخدم معايا راه مايخصك تاشي خير …….. صبرت و صبرت …… وصبرت وكانحاول نخلي راسي داك موحماد البرهوش الكربوز المحكور لي ممايقدش إهز عينيه فشي حد،كبر منو ومقادرش إسب شي حد تا عييييييت و هزيت واحد القرعة ديال روج كانت حدا رجلي و عطيط،بيها لمو فعنكو …………… و لد القحبة باغي يستغل المعاناة والفقر والحالة ديالي باش إطلع على ضهري الفلوس و إبقى شاد كليانو وإرجعني أنا زامل …………….. يتباع ….

slaymer

اضف تعليق

شهر ونص فدار القحاب

السبت، 21 نوفمبر 2015

عن الكاتب ابراهيم

هذا النص الغبي ، غير مقصود لقرائته . وفقا لذلك فمن الصعب معرفة متى وأين نهايته ، لكن حتى . فإن هذا النص الغبي ، ليس مقصود لقرائته . نقطة رجوع لسطر مدونة القصص المشوقة ترحب بك

fun-story

شهر ونص فدار القحاب : الجزء 20

عن الكاتب ابراهيم

مقالات قد تهمك