شهر ونص فدار القحاب : الجزء 18

بهذه العبارات بدا الكاتيب ” محمد شكري ” كتابه الخبز الحافي و خا ماعمرني قريتو ولا سمعت بسمييتو تادخلت الفاسبوك ….. صباح الخير أيها النهاريون.. صباح الخير أيها الليليون .. صباح الخير يا طنجة المنغرسة في زمن زئبقي.. هاأنذا أعود لأجوس كالسائر نائماً عبر الأزقة والذكريات، عبر ما خططته عن حياتي الماضية الحاضرة، كلمات واستلهامات الندوب لا يلهمها القول، أين عمري من هذا النسَج الكلامي؟ لكن عبير الأماسي والليالي المكتظة بالتوجّس واندفاع المغامرة يتسلل إلى داخلي لكي يعيد رماد الجمرات غُلالة شفافة آسرةً، لقد علمتني الحياة أن أنتظر أن أعيَ لعبة الزمن بدون أن أتنازل عن عمق ما استحصدته، قل كلمتك قبل أن تموت فإنها ستعرف حتماً طريقها, لا يهم ما ستؤول إليه, الأهم هو أن تُشعل عاطفة أو حزناً أو نزوة غافية، أن تشعل لهيباً في المناطق اليباب الموات، فيا أيها الليليون والنهاريون.. أيها المتشائمون والمتفائلون.. أيها المتمردون.. أيها المراهقون.. أيها العقلاء لا تنسوا.. لا تنسوا أن لعبة الزمن أقوى منا، لعبة مميتة، لا يمكن أن نواجهها إلا بأن نعيش الموت السابق لموتنا بإماتتنا أن نرقص على حبال المخاطرة نشداناً للحياة ……. ولكن شكري الله إرحمو كان فطنجة ونا فسلا …… كنت موصير على نخرج من الدوار ماخصنيش نبقا فيه …… كل دقيقة كادوز عليا عداب تمنيت إعميني سيدي ربي دوك تلت يام لي دوزت فيها مانشوفش …… دارنا المرقعة لكلها مريبة وشوهة قدام ديور عباد الله …… مابغيتش نشوف مزال تاشي حاجة كل شي كايدكرني بالأم ديالي …… فقنا فالصباح قلت ليها عمتي أنا غانخليك طهلاي فراسك وراه ماعمري ننساك …… ولكن أولدي أ موحماد لكيران ديال فتافراوت راه مكايخرجوش تالعشية فين غاتمشي على الصباح ……. لا لا عمتي غا نسلك راسي ….. مغانوحلش فالمركوب و مغانتسناش لكار طهلاي فراسك و ماتبكيش عمتي مزال ….. راه مابغيتش نزيدنبكي ليل كل ونا بايت على البكا ضروني عيني …… طهلاي فراسك أعمتي بسلامة عليك …… هزيت صاكي نزلت لشانطي بقيت كانتسنى فشي حد إدوز …… كانشيير جا واحد،مول لبيكوب ….. وقف قاليا فين غادي ياولدي ؟؟ قلت ليه غادي غا لتافراوت ……. طلع طلع ……. طلعت قلت ليه الله إرحم واليدين نقدر نلقا شي،طرونسبور لتزنيت و لا مركش فتافراوت …….. واش غانقوليك فقتي شوية معطل الطاكسيات كايخرجو بكري حدهوم تمنية تسعود إلى تعطلو كاع ……كانعليك تفيق مع لفجر و دابا ماعليك غاتسنى لكار تال 5 د لعشية ….. فين غادي بعدا نشاء الله ؟؟ غادي لسلا …… وا تزنيت راه فيها لكيران موجودين ……. طلع لتزنيت حسن ليك كاع كاينين الكيران نقيين ……. ولكن شكون غايدين تالتزنيت ؟؟ أنا غادي لتزنيت إلى غاتمشي معايا بالحق طخلص شي الطاجين هههههه الله أودي تستاهل باينة فيك مرفح العفريت يالله جاي من لمدينة الحوايج باقا عطيا ريحتهوم …….. أه يالله جاي ودابا راجع …… كيدايرة لمدينة طاحت شي،شتا فداك الغرب حنا هنا راه عطا الله لخير لعام غايكون زين …….. مول لبيكوب فرع ليا كري بالهضرة ونا مافيا ليهضر ولكن بقيت شاد ليه خاطرو حتى وصلنا لتزنيت وتغدينا حيت بغيت منو غراضي فقط …… تغدينا ومشيت المحطة لقيت واحد الكار مقرقش هو لي خارج وخا عارف راسي غانتكرفص ولكن بغيت غا نقود مانشمش نزال ريحت جبال لي كنت كانحلم بيهوم لعام كامل …… قطعت ورقتي قلت ليه لكريصون لكار باقي مغايخرجش ياك ؟؟؟ قال ليا مزال …. ولكن إلى غاتمشي لشي بلاصة ماتعطلش مغاتسناوش إعمر …… مشيت بجرا الفرمسيان قلت ليه خويا الله إرحم واليدين شي فنيد ديال نعاس …… قال ليا كاين سيرو ……. قلت ليه أراه ليا ……. ضربت فيه تلاتة د المعلقات ……. بغيت ننعس مابغيتش نفيق مزال و ماكرهتش نعاس ونبقى ماعمري نفيق نموت بمرة …….. طلعت لكار حطيت راسي دا مول الأمانة أمانتو ………. تا وصلنا ل شيشاوة واحد ولد القحبة كايفييق فيا ولدي ولدي نوض إلى غاتاكل شي حاجة راه لكار مغايوقفش مزال تا فشي بلاصة تال سلا ماعرت أش بغا عندي ولد لقحبة …… جبت ديك القرعة تاني وزت معلقة خرى قلت ليه شريف بلا ماتفييقني مزال الله إرحم واليدين …….. وجبت عليها ماحليتش عيني تالقيت راسي فالمحطة ديال القامرة طلعت لكار فالشمس ….. و نزلت فيه فالضلام …. دخلت المحطة كانقلب على الساعة لقيتها التمنية د،يال ليل ……. وتمنية ديال شتوى دايرة بحال طناش،دليل ديال صيف …….. هانتا أموحماد فسلا فين غاتعطي راس ؟؟ عند من غاتمشي ؟؟ الحياة عذاب…… نعييط على البار نشوف كلثوم تاني ……. لا لا لا لا العالم ديال كلثوم والحاجة و خديجة مابقيتش حاملو ….. واشناهو الحال ؟؟ مكاينش من غير كلثوم عييط على البار جاوبني واحد ……. السلام الله إرحم واليدين كاينة كلثوم …… قاليا كلثوم لا مزال مجاتش ….. شكون غا نقول ليها ؟؟؟ مول لبار كايصحابو شي كليان ….. قلت ليه قوليها غا موحماد سول عليك وقطعت .. عييط على التيليفون ديال الحاجة التليفون كايصوني تا يعيا وإقطع عرفت الحاجة مزال ماخرجاتش …. بقيت كالس فالمحطة تال طناش،وعاود عييط على البار لاباس كلثوم كاينة …… ألو كلثوم لاباس ؟؟ لاباس أموحماد ونتا كيداير كيدايرة ماماك وصلتي بخير …….. علاش ماعييطيش،داك نهار ؟؟؟ كلثوم لاباس مهم لهضرة ماشي،فتيليفون أنا محتاجك راني فالمحطة ديال القامرة راه يالله و صلت …….. أويلي رجعتي ؟؟؟ أه مهم جي عندي …….علاش نتا مكلخ أموحماد قلت ليك أنا حدي الرباط هد اليامات علاش نزلتي فسلا …… لكار أ كلثوم لقيت غا ديال سلا …….. مهم عارف الطاكسيات كبر ديال رباط فين كاينين قلت ليها لا …….. ولكن غانقلب عليهوم ……. لا لا شوف ماتقلب عليهوم ما واااالو غا غاتكريسة …… دخل لشي محلبة فالمحطة و شد،شي،عصير وبقا كالس فيها تانجي …… عندك تكلس على الكرسة ديال المحطة راه كاينة واحد الحملة مقودة هد اليومين غايجمعوك …… شوف ماتخلينيش مجلوقة لمحلبات لي لداخل ديال المحطة هما فين تكلس ماشي على برااااااااا …….. صافي وخا ……. درت داكشي لي قالت ليا كلثوم كلست فالمحلبة تاجات ……. قالت ليا موحماد علاسلامة رجعتي دغيا مافتيش يومين ……. ياك لاباس ؟؟ قلت ليها لاباس أكلثوم الحمد لله ……. مهم نوض نوض هنا يالله نبركو فشي قهوة هادو راه كايبغيو غاتاكل وتجمع الوقفة غا نتا شمو فيك ريحت البلاد وخلاوك تجلس ……. مشينا القهوة جلسنا قالت ليا كلثوم موحماد كيبقات ماماك علاش خليتيها علاش رجعتي فين رجعتي عجباتك التكرفيص علاش رجعتي يا موحماد علاش عييطي،عليا ملي خليتك فلكار ومشيت قلت نتمنى شي نهار نتلاقا مع موحماد صدفة ويقوليا راه برات الواليدوثة وراه خدمت بحال خوتي شلوح وراني هاز راسي علاش عييطي،عليا أموحماد …….كلثوم زربات عليا مزال كاع معرفاتش أش واقع كلثوم مابغاتنيش نرجع العالم ديالها ولكن فنفس الوقت ماتقدرش تخلى عليا حيت عرف ماعندي حد ……. قلت ليها كلثوم داكشي لي دوزت ماشي تكرفيص ………. تكرفيص يالله غانبدا فيها ……. كلثوم مي مشات عند الله ماشفتهاش مزال تزاكلت معاها بنهار ….. كلثوم مابقا عندي حد وليت ديال راسي ودابا تا حتثاجة مابقاتش كاتخلعني أي حاجة غاندخل ليها …… كلثوم كانت قالت ليا بيني وبين لبكا سنين ولكن قصتي طييحات دموع فعينيها وخانشفو من الماء سنين ….. قالت ليا لبراكة فراسك أموحماد و كلنا ليها ……. نتا ماماك راك تهنيت منها بعدا وعرفتيها فين مشات …… أنا راه عندي مي و با وخوتي ماحيين ما ميتين تمنيت كن ماتو بعدا لي سولني نقوليه ماتو باش إشفق عليا …………… كلثوم نتي كيديوزتي هد اليامات ………. دازو بحال كاع هدو لي فاتو أموحماد …… خديجة عندك عليها شي خبار سمعتي عليها شي،حاجة …….. خديجة ؟؟ كلثوم سمعات سمييت خديجة زاد كحل وجهها …..براكة عليك أموحماد مانزيدش عليك لي فيك إكفيك لا لا غاقولي تا هي راه مبرزطاني وخا هدشي كامل واش سمعتي عليها شي خبار …………… خديجة تاهي الله إرحمها أموحماد تا هي بانو خبارها ديك ليلة مزال فاش مشيتي ………… كلثوم ماتقوليش ليا خديجة ماتت بصاح ……….. خديجة ماتت بصاح أموحماد ………….. كيفاش مات أكلثوم ؟؟؟ أنا صافي غانتسطى مابقيتش قاد ………….. مي خليتها عشرين يوم ومالقيتهاش خديجة بيني وبينها تلت يام و مالقيتهاش …………… يالله نمشيو تا لبار ونعاود ليك …… …… شدينا الطاكسي لرباط،سلا بليل كاتخلع الشوارع كايسفرو كايبانو ليك كايدورو غالطاكسيات وصحاب لحديد لواعر السكايرية …… و المتشردين كل واحد فين مجبد وصحاب الكاروات لي كاضور على الطوارو دزبل ……… كايبانو ليا ديك ليلة بحال هداك لي راكب على الكاط كاط وشدو فيروج معانا وتمعنت فوجهو مزيان عينيه حمرين بسهير وراسو مايل بالشراب ….. بحال هداك لي واقف قدام الطاكسي بكروسة وحمار معمرها قش ولافيراي … نص الفوقاني ديالو راكب على الكراسة النص لاخر كايجرو فلارض بكترت دوليو ……. غا هداك لي راكب على الكاط كاط ملي غايطلقنا الضو الحمر غايدوز لفيتاس لاخر غايكول لدحيشة يييرة ……. كلهون كايدورو فحلبة واحدة لي هي الموجتماع البائس الضالم ديالنا لي مكايحنش بحال الحمار بحال الكاكاط ….كان من الممكن إستمتع داك مول كاط كاط بجمال الليل لوكان مكانش واقف مول الكارو قدامو …… وراكبين أنا و كلثوم فالطاكسي على اليمين ديالو …….. بلا شاك المنضر ديال مول الكارو و النضرة فوجهنا أنا وكلثوم هزين جبال من الحزن مول الكاكاط غايعكر ليه ميزاجو ديك الليلة ………… يتباع ……

slaymer

اضف تعليق

شهر ونص فدار القحاب

السبت، 21 نوفمبر 2015

عن الكاتب ابراهيم

هذا النص الغبي ، غير مقصود لقرائته . وفقا لذلك فمن الصعب معرفة متى وأين نهايته ، لكن حتى . فإن هذا النص الغبي ، ليس مقصود لقرائته . نقطة رجوع لسطر مدونة القصص المشوقة ترحب بك

fun-story

شهر ونص فدار القحاب : الجزء 18

عن الكاتب ابراهيم

مقالات قد تهمك